ತ್ರಿಷಾ ಹುಟ್ಟುಹಬ್ಬದಂದೇ ವಿಜಯ್ಗೆ ರಾಜಕೀಯ ಪಟ್ಟ? ತಮಿಳುನಾಡಿನಲ್ಲಿ ಟಿವಿಕೆ ಅಬ್ಬರ ದಕ್ಷಿಣ ಭಾರತದ ಸಿನಿ ಮತ್ತು ರಾಜಕೀಯ ವಲಯದಲ್ಲಿ ಇಂದು ಡಬಲ್ ಸಂಭ್ರಮ ಮನೆ ಮಾಡಿದೆ. ನಟಿ ತ್ರಿಷಾ ಕೃಷ್ಣನ್ ತಮ್ಮ 43ನೇ ಹುಟ್ಟುಹಬ್ಬ ಆಚರಿಸುತ್ತಿದ್ದರೆ, ಮತ್ತೊಂದೆಡೆ ದಳಪತಿ ವಿಜಯ್ ನೇತೃತ್ವದ ಟಿವಿಕೆ ಪಕ್ಷ ತಮಿಳುನಾಡು ಚುನಾವಣೆಯಲ್ಲಿ ಭರ್ಜರಿ ಮುನ್ನಡೆ ಸಾಧಿಸಿ ಹೊಸ ಇತಿಹಾಸ ಬರೆಯುತ್ತಿದೆ. ಇಂದು ಮುಂಜಾನೆ ತ್ರಿಷಾ ತಿರುಪತಿ ದೇವಸ್ಥಾನಕ್ಕೆ ಭೇಟಿ ನೀಡಿ ವಿಶೇಷ ಪೂಜೆ ಸಲ್ಲಿಸಿದ್ದಾರೆ. ಇದೇ ದಿನ ಚುನಾವಣಾ ಫಲಿತಾಂಶ ಹೊರಬೀಳುತ್ತಿರುವುದರಿಂದ, ವಿಜಯ್ ರಾಜಕೀಯ ಯಶಸ್ಸಿಗಾಗಿ ತ್ರಿಷಾ ಪ್ರಾರ್ಥನೆ ಮಾಡಿದ್ದಾರೆ ಎನ್ನುವ ಮಾತುಗಳು ಅಭಿಮಾನಿಗಳಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿವೆ.
2026ರ ತಮಿಳುನಾಡು ವಿಧಾನಸಭಾ ಚುನಾವಣೆಯಲ್ಲಿ ಟಿವಿಕೆ ಪಕ್ಷ ಆರಂಭಿಕ ಹಂತದಲ್ಲೇ ಮ್ಯಾಜಿಕ್ ನಂಬರ್ ದಾಟುವ ಸುಳಿವು ನೀಡಿದೆ. ಡಿಎಂಕೆ ಹಾಗೂ ಎಐಎಡಿಎಂಕೆಂತಹ ದ್ರಾವಿಡ ಪಕ್ಷಗಳಿಗೆ ಟಕ್ಕರ್ ನೀಡಿರುವ ವಿಜಯ್, ಇದೀಗ ರಾಜಕೀಯದ ಹೊಸ ದಳಪತಿಯಾಗಿ ಹೊರಹೊಮ್ಮುತ್ತಿದ್ದಾರೆ.
ತ್ರಿಷಾ ಮತ್ತು ವಿಜಯ್ ಜೋಡಿ ‘ಗಿಲ್ಲಿ’, ‘ಲಿಯೋ’ ಸೇರಿ ಹಲವು ಸಿನಿಮಾಗಳಲ್ಲಿ ಸೂಪರ್ ಹಿಟ್ ನೀಡಿತ್ತು. ಇವರಿಬ್ಬರ ಸ್ನೇಹ ಹಾಗೂ ಕೆಮಿಸ್ಟ್ರಿ ಈಗ ಮತ್ತೆ ಸಾಮಾಜಿಕ ಜಾಲತಾಣಗಳಲ್ಲಿ ಟ್ರೆಂಡ್ ಆಗಿದೆ.
ತ್ರಿಷಾ ಹುಟ್ಟುಹಬ್ಬ ಮತ್ತು ವಿಜಯ್ ರಾಜಕೀಯ ಗೆಲುವು ಒಂದೇ ದಿನ ಬಂದಿರುವುದು ಅಭಿಮಾನಿಗಳಿಗೆ ಡಬಲ್ ಧಮಾಕಾ ನೀಡಿದಂತಾಗಿದೆ. ದಕ್ಷಿಣ ಭಾರತದ ಸಿನಿ ಮತ್ತು ರಾಜಕೀಯದಲ್ಲಿ ಇದು ಹೊಸ ಅಧ್ಯಾಯಕ್ಕೆ ನಾಂದಿ ಹಾಡಿದೆ.
ಒಟ್ಟಾರೆ, ತ್ರಿಷಾ ಸಂಭ್ರಮ ಮತ್ತು ವಿಜಯ್ ರಾಜಕೀಯ ವಿಜಯ ಇಂದು ತಮಿಳುನಾಡಿನ ಹಾಟ್ ಟಾಪಿಕ್ ಆಗಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ #TVKVictory ಮತ್ತು #HappyBirthdayTrisha ಟ್ರೆಂಡ್ ಆಗುತ್ತಿದೆ.